كشفت الممثلة المصرية يسرا عن أنها مرت بحياتها بأزمة مالية كبيرة، ساعدها الممثل المصري عادل إمام للخروج منها بموقف لا يمكن أن تنساه بحياتها. وقالت يسرا: «عادل إمام في كل أزمة أنا مريت بيها في حياتي كان واقف معايا، مرة مكنش حد عارف مكنش عندي فلوس، كنت بشتغل لكن وقتها الفلوس مكنتش كتيرة، كان عندي عربية مرسيدس قولت أبيعها لحد ما ربنا يفرجها، لقيته جالي البيت بيسألني عايزة أبيع عربيتي ليه؟ سألته إزاي عرف؟ والكلام ده كان من 35 سنة. رديت عليه إني معنديش فلوس، قالي لأ متبعيش العربية، وخطط أن يكون في فيلم أشارك فيه وقالي أطلبي اللي إنتي عايزه. مرة كنت تعبانة جدا وبموت عملت عملية استمرت 6 ساعات والهيموجلوبين وصل لـ5، اتصل بيا وقالي أنه سمع إني تعبانه قلت له متجيش مش هتستحمل تشوفني، بس هو متابع وعارف كل حاجة».